Community Based Organization Development Center

Strategy Back

सन २०१९ देखी सन २०२३ सम्मका मुल रणनितीहरु

क) स्थानीय स्तरमा विभिन्न समूह (सिबिओहरू) र सहकारीहरूमा जम्मा भएका रकम (बचत) को उत्पादनमूलक कार्य तथा दीर्घकालीन प्रभाव पार्ने क्रियाकलापहरूमा लगानी गर्नका लागि बचतकर्ताहरूलाई उत्प्रेरित गर्दै बढी लाभदायक उद्यमका सम्भावना देखाउने र तिनको कार्यान्वयनका लागि सहजीकरण गर्ने, क्षमता बढाउने र वाह्य सम्पर्क बढाइदिने कार्यमा जोड दिइने छ । साथै, अधिकांश समुदायमुखी विकास कार्यक्रमहरू सहकारीका माध्यमबाटै सञ्चालन गर्ने रणनीति पनि लिइने छ ।

ख) मानवअधिकारमा आधारित तथा जनवकालती भूमिकामा सघाउने विकासमूलक कार्यमा बढी जोड दिइने छ । 

ग) स्थानीय सरकार (प्रदेश, नगर तथा गाउँपालिका) सँगको सहकार्य, समन्वय तथा सम्बन्ध विस्तारमा जोड दिइने छ । 

घ) राष्ट्रिय तथा अन्तर्राष्ट्रिय संघसंस्थाहरूसँग साझेदारी गर्दै ती संस्थाहरूले खासगरी संस्थागत क्षमता अभिवृद्धिमा जोड दिनुपर्ने कुरामा वकालती (पैरवीमूलक) भूमिका समेत निभाइने छ । सिबिओका कार्यक्रमहरू ‘परिवर्तनको सिद्धान्त’मा आधारित बनाउनमा र दिगो विकास लक्ष्य (एसडीजी) उन्मुख बनाउनेतर्फ पनि ती संस्थाहरूको सहयोग लिइने छ ।

ङ) योजना निर्माण, कार्यान्वयन तथा अनुगमन एवम् मूल्याङ्कनमा स्थानीय समुदायको क्रियाशील सहभागितामा जोड दिइने छ । साथै, सञ्जालीकरण गर्न सकारात्मक सोच पद्धति अभिवृद्धिमा पनि सिबिओले जोड दिनेछ ।

च) एउटा समुदायमा १० देखि १५ वर्ष काम गरिसकेपछि ती संस्थालाई क्रमशः क्षमता र दायित्व हस्तान्तरण गरी नयाँ (विपन्न तथा सीमान्तकृतमैत्री) क्षेत्रमा काम गर्न जाने रणनीति सिबिओ विकास केन्द्रले अख्तियार गर्ने छ ।  

छ) स्थानीय ज्ञान, प्रविधि, स्रोत आदिको संरक्षण एवम् सम्वद्र्धन र दिगो उपयोगमा जोड दिइने छ । 

ज) संस्थाको मूल मूल्य र मान्यताका रुपमा रहेका सुशासन, पारदर्शिता, जवाफदेहिता, जनसहभागिता, समावेशिता, लोकतान्त्रिक अभ्यासजस्ता कुरालाई थप अवलम्बन र प्रवद्र्धन गरिनेछ । 

Strategic Programme and Cross Cutting Theme